Go un amico tratorista; de inverno el xe pien de lavoro, el smista legni de qua e de là. * Mi no go nisun amico tratorista che smista legni, ma go un trator. Che se intendemo, xe un vecio Tomo Vinković
Go un amico tratorista; de inverno el xe pien de lavoro, el smista legni de qua e de là. * Mi no go nisun amico tratorista che smista legni, ma go un trator. Che se intendemo, xe un vecio Tomo Vinković
I legni xe sempre più cari, come la bensina e la nafta. Go un amico tratorista; de inverno el xe pien de lavoro, el smista legni de qua e de là. Un giorno, che pioveva de bruto, el xe entrà in osteria incazà come una vipera e bagnà come un pulcin. Jera tuti curiosi e lui, dopo un do biceri, el ga contà la storia. Lo gaveva ciamà una signora che ghe serviva un tre metri de legni tajadi in curto.
"Go ciolto el nome e l'indiriso, son andà in bosco a carigar e dopo una bona oreta rivo in cortil. No jera nisun e spetando go scarigà. La vecia versi la porta de casa, la me guarda incuriosida e la me domanda: Brižan moj čovik, ma ča to delate? Mi ghe go ricordà che la gaveva ordinà i legni e ela tranquila a spiegarme che go sbaglià el cortil, che i legni xe per la vicina oltre el muro. Gavevo capì mal, no jera el numero 18 ma el 20. Me ga tocà carigar de novo e in quel, come per urta, ga comincià a piover".
Jera tuti che rideva e lui serio el ga concluso: "No gavevo alternative!" El se ga merità un altro meso de bianco. Xe robe che sucedi! Co' ti va in strada no ti sa mai quel che pol capitar.
I legni comunque i xe rincaradi de bruto. Sta storia la se ciama: crisi energetica. Parlando del più e del meno, in conpagnia, se gavemo ricordà che Rovigno un tenpo gaveva la fabrica del gas, che la jera tacada a la fabrica Mirna (la ex Ampelea). I produseva el gas col carbon cok; fora de la fabrica jera una montagna de sto carbon. Mia mama la se ricorda che i fioi ghe piaseva tonbolarse, i tornava a casa tuti neri.
El gas serviva per l'iluminasion publica e per scaldar le pignate. La fabrica i la ga verta soto la Defunta (come che disi i triestini) nel 1905 e i la ga serada nel dicenbre del 1959 soto la Jugoslavia. Qualchedun ga dito che xe pecà, concludendo che tute le robe bone e utili fa sempre la stesa fine. Jero picio co' mio pare el ga restaurà l'apartamento in Santa Croce e me ricordo ch'el spiantava i tubi del gas in cusina. Stando a le storie dei veci sto gas publico el jera de qualità scadente. Sta de fato che i rovignesi i ghe ga costruì sora una cansoneta che la diseva:
El gas del Rovigno el sà un pò de odor,
El fa stornisi e malumor,
La gente mormora che xe nei guai,
E le pignate no boi mai
Cedo la parola...
Mi no go nisun amico tratorista che smista legni, ma go un trator. Che se intendemo, xe un vecio Tomo Vinković dei ani otanta. Co' ti lo inpisi se capisi subito che ora che sona. Co' ti va in canpagna no ti sa se ti rivarà tornar indrio o se te tocherà ciamar qualchedun che vegni ciorte.
El bel però xe ch’el ne vien in ben per tante robe. Per esenpio, deso che no se trova più i scovasoni tan ogni canton e te toca andar a portar le scovase più grandi in tal reciklažno dvorište.
Una disgrasia anche sta storia de le scovase. Te toca gaver el cestin per el vetro, quel per la plastica, poi quel per la carta, per el metal, per el misto. Mai fine! E in più te toca portar le scovase più grandi nei centri de riciclagio. Jeso mare!
Una volta jera i scovasoni grandi e ti butavi tuto là. Ghe ne jera de scovase de tuti i colori; tra le scorse de naranse e fondaci de cafè ti trovavi stramasi, sedie, bojleri, lavatrici, copi de teto, strase de qua, strase de là...
Deso invese semo diventadi tuti ecologisti e stemo tenti. Guai che un toco de carton te scanpi ne la plastica. Bon ale, xe giusto cusì.
Meno mal che go el trator.
Za potpredsjednice Kluba žena izabrane su Sandra Ćakić Kuhar i Federika Mohorović Čekada, za članice predsjedništva Elena Puh Belci, Tajana Masovčić, Ilari Miani Dežić, Valentina Buršić i Nela Medakov, a za tajnicu Kluba žena izabrana je Katia Šaina
Dopo che in cità ga comincià circolar la vose falsa he a Pola sarìa sucessi due episodi de strupro per man dei lavoradori asiatici, gavemo scoperto che sto anno imigrati no i se ga macià de un singolo reato. Gnanche uno! Dita altrimenti, el contributo dei muli de l'India, del Bangladesh, del Nepal e dele Filipine al tasso de criminalità de Pola xe uguale a zero * Come tute le robe nela vita, la parola magica xe “misura”. Con la “misura” el velen diventa medicina. In questo modo “l’altro”, el diferente, no ‘l xe una minacia, ma una richessa: una imigrazion fata come che se devi la ne pol far solo diventar persone migliori
"Kroz sve godine radnog iskustva u auto-kućama, vidjeli smo gdje i kako bismo htjeli poboljšati prodaju rabljenih vozila, s jednim ciljem: da svako vozilo, bez obzira radilo se o luksuznom ili standardnom automobilu , bude cjenovno povoljnije i kvalitetnije od ostatka tržišta. To će biti vidljivo već i po našim oglasima", ističu braća Roberto i Kevin
Da bi ova web-stranica mogla pravilno funkcionirati i da bismo unaprijedili vaše korisničko iskustvo, koristimo kolačiće. Više informacija potražite u našim uvjetima korištenja.
Nužni kolačići omogućuju osnovne funkcionalnosti. Bez ovih kolačića, web-stranica ne može pravilno funkcionirati, a isključiti ih možete mijenjanjem postavki u svome web-pregledniku.
