El fato che ogi podemo comprar panetoni e pandori in tele boteghe in Croazia me rovina in qualche modo la magia che provavimo anni indrio, co dovevino andar a comprarlo a Trieste perché qua no ghe ne iera. Gaverlo in casa per nadal ne fasseva sentir un fià speciali * "Pan dele monache" in tel medio evo, poi diventà "Pan de Toni" che per secoli el se peraparava in pochi forni de Milano, in sti ultimi 100 ani, come la tradissione del Nadal, anche el paneton el se ga industrailizà: ghe se ne fa 50 milioni a l'anno, che saria 137 000 panetoni al giorno
El fato che ogi podemo comprar panetoni e pandori in tele boteghe in Croazia me rovina in qualche modo la magia che provavimo anni indrio, co dovevino andar a comprarlo a Trieste perché qua no ghe ne iera. Gaverlo in casa per nadal ne fasseva sentir un fià speciali * "Pan dele monache" in tel medio evo, poi diventà "Pan de Toni" che per secoli el se peraparava in pochi forni de Milano, in sti ultimi 100 ani, come la tradissione del Nadal, anche el paneton el se ga industrailizà: ghe se ne fa 50 milioni a l'anno, che saria 137 000 panetoni al giorno
Per noi che semo cressui con in tei oci i programi dela television italiana, el paneton xe el dolce simbolo del Nadal. In tei ultimi 20 anni, fin che dura l’avento, se lo pol comprar anche in tele boteghe croate, specialmente in Istria perché più che se va verso est, meno i lo conossi.
Per dir la verità, el fato che ogi lo podemo comprar in tele boteghe soto casa me rovina in qualche modo la magia che provavimo anni indrio, co dovevino andar a comprarlo a Trieste perché qua no ghe ne iera. Gaverlo in casa per nadal ne fasseva sentir un fià speciali.
Fin che iera la Jugoslavia, Nadal no iera giorno de festa, iera grave trovar anche bacalà e al paneton non se podeva gnanche pensar. Eco perché, co studiavo, dopo gaver caminà sui tapedini rossi dei mercatini in tele piasse decorade e iluminade de Padova, tornando a casa per le ferie de fine anno e, de novo in tel scuro (otico e social) una voltà superà in coriera el confin de Scoffie, me tegnivo ben cari un paneton e un pandoro che me portavo drio, comprai in Italia ma da tirar fora dala scatola a Pola la sera dela Vigilia.
A diferenza de tanti magnari rivai in Istria da Venessia, el paneton no ‘l xe mai sta un dolce del Nadal istrian. Da Venessia, a partir dalla fine del Setecento, anche in istria xe rivà invesse quel dolce leger e tenero che qua ciamemo Pan de Spagna. Ma gnanche quel no ‘l xe ligado ale tradissioni de Nadal in Istria, co, come dolce, se magnava piutosto crostoli, anche se i xe più famosi per el Carneval.
Ma tornemo al paneton. Per farla curta, el xe nato a Milano nel XV secolo e da subito el xe diventà un simbolo de festa e lusso. Ma xa prima, in tel Medioevo, per Nadal se magnava un pan più rico del solito. Iera le Pan dele Monache, niente altro che pan de frumento che in quei tempi no ‘l iera roba de ogni giorno. Da questo pan nasserà el Pan de Toni (de qua el nome de paneton). Sto Toni el iera un garzon che, co ‘l gaveva visto che la festa de nadal la iera quasi rovinada perché se gaveva brusà el dolce, el ga salvà la sena con un dolce novo che el gaveva dentro uveta e fruti candidi.
Poi, co se ga comincià usar el lievito madre e buro, el paneton el xe diventà più tenero, aromatico e più facile da manegiar cussì che el ga becà la forma che ‘l ga ogi.
Per secoli el paneton el vegniva coto in tei forni de poche pasticerie del nord Italia, el comincia a produrse in numeri industriali, sempre a Milano, a partir dal 1919 con Angelo Motta e dal 1921 con Gioacchino Alemagna. Ogi in Italia se produci 50 milioni de panetoni, che saria ben 137 000 panetoni al giorno.
L’altro dolce italian del nadal, el pandoro, el diventa dolce natalizio verso la fine de l’Otocento: el 14 otobre del 1894 el pasticer de Verona Domenico Melegatti el ga deposità el breveto del pandoro. Oltre a spiegar come che ‘l se prepara, in tel breveto el ga stabilì la caratteristica forma de stela a oto punte, disegnada dal pittore Angelo Dall’Oca Bianca. A diferensa del paneton. No ‘l ga uveta, né fruti candìdi.
E voi? Preferì el paneton opur el pandoro. In ogni caso, bon nadal.
'Meni je jasno da u Poreču živi puno naših sugrađana koji vole Thompsona i pohode njegove koncerte, i ne ulazim u njihove motive zbog čega, ali ne mogu razumjeti da se gradska vlast koja se, valjda, drži IDS-ovih programskih zasada, a Ti si joj na čelu, ideološki prodaje za šaku dolara, pardon, eura i glasova', napisao je Prodan
I datum objave i naslov albuma oslanjaju se na moj prvi album – Vetva – koji je monološkim izrazom poslužio kao temelj i inspiracija za novu formu, komunikaciju. Dijalozi su nastali kao izazov potaknut ohrabrenjem, ideja da se monologu pridruži Drugi, bez unaprijed postavljenih okvira, kaže Nuša
Nadzorni odbor je produžio mandat dosadašnjem članu Uprave, Marku Remenaru za sljedeće trogodišnje razdoblje, počevši od 1. siječnja 2026. godine
Da bi ova web-stranica mogla pravilno funkcionirati i da bismo unaprijedili vaše korisničko iskustvo, koristimo kolačiće. Više informacija potražite u našim uvjetima korištenja.
Nužni kolačići omogućuju osnovne funkcionalnosti. Bez ovih kolačića, web-stranica ne može pravilno funkcionirati, a isključiti ih možete mijenjanjem postavki u svome web-pregledniku.
