DALE SPUDACERE IN MERCATO AI MONTI SE SCOVASSE A CASTION: La nostra coscienza ecologica la xe stada sempre "far poco e far mal"
El centro regional per el tratamento dele scovasse i lo ga messo in un posto sbaglià, i ga scelto una tecnologia sbagliada e de l'eletricità che el doveva produr dal biogas gnanche l'ombra. Solo de spussa ghe ne xe a quintai. Adesso, dopo ani de problemi, el sindaco de Pola Grbin e el presidente dela Region Miletić i parla perfina de serarlo. Forsi iera meo vardar prima come che i fa per esempio a Trieste o a Copenaghen, dove che i ga un impianto che 'l brusa le scovasse e che 'l sfruta el calor par produr eletricità e riscaldar le case. E a Copenaghen, sora el teto de sto impianto, i ga fato perfin una pista de sci!
