I vespasiani presenti in Istria, a Pola, Albona e Arsia i xe precisi de quei più difusi in tuta Italia, cioè quei dela dita de Torino “Renzi”, presentai come “nuovo chiosco-orinatoio smontabile, in pietra artificiale”. Quel de Albona e de Arsia, lo gavemo trovado in tel catalogo Renzi, xe el model “Como”, quei de Pola no li gavemo trovai in catalogo, ma i ghe somiglia sai al model “900”, sempre de Renzi, che el iera el più difuso. Uno che 'l xe quasi preciso a quei de Pola el sta ancora in pie a Roma
I vespasiani presenti in Istria, a Pola, Albona e Arsia i xe precisi de quei più difusi in tuta Italia, cioè quei dela dita de Torino “Renzi”, presentai come “nuovo chiosco-orinatoio smontabile, in pietra artificiale”. Quel de Albona e de Arsia, lo gavemo trovado in tel catalogo Renzi, xe el model “Como”, quei de Pola no li gavemo trovai in catalogo, ma i ghe somiglia sai al model “900”, sempre de Renzi, che el iera el più difuso. Uno che 'l xe quasi preciso a quei de Pola el sta ancora in pie a Roma
No i sarà nobili come el Tempio de Augusto, o bei come l’Arco dei Sergi, ma anche i veci gabineti publici de Pola i fa parte del patrimonio storico, e forsi anche artistico dela cità. El fato che i sia ligadi a funzioni umane no sai profumade ga poco cossa far: in fondo, celebremo l’Arena che in fin dei conti la iera un logo de violenza. Ogi, la violenza, se non altro la condanemo e no la fa parte dei valori dela contemporaneità, el “’legerirse” e l’”andar de corpo”, el calarse la braghe e l’alzarse la cotola invesse, voia o no voia, i xe sempre incostentabilmente atuali.
Ogi scrivo de sto tema perché qualche giorno fa xe vegnuda xo una parte de l’orinatoio de Veruda e in muncipio i ga deciso de no ripararlo, ma de smonatrlo tuto perché el sarìa un pericolo per l’incolumità dele persone. Meno mal, i ga deciso anche che le sue parti le vegnerà salvade come tochi de ricambio per i altri due “vespasiani” restadi a Pola, uno al ponte e l’altro vicin del duomo.
El gabineto publico crolado a Veruda - foto: Manuel Angelini
Qua xe de dir che stemo parlando dei quei gabineti publici instalai in giro per tuta l’Italia, anche in Istria, tra la fine dei anni Venti e ‘l prinicipio dei anni Trenta del Novecento. Se trata de un preciso tipo de gabineto publico, de forma elitica e fato de cemento, che conossemo come “vespasiani”.
El vespasian vicin del Ponte a Pola - foto: Manuel Angelini
Ghe ne esisteva anche prima, fati de fero e de ghisa in stile Liberty, ma no dai sai prima. Xe vero che i esisteva in tela Roma antica, ma poi nel medioevo se ga perso l’abitutidine tanto che anche le grande cità de l’epoca come Parigi, Londra e Napoli le iera spussolenti “cloache a cielo aperto”, con l’urina che la vegniva svodada dai bucai xo per le finestre. Xe per questo che in quel periodo iera presenti tante malatie come el colera.
Xe famoso l’episodio del re d’Inghiltera Giorgio III che al principio del l’Otocento el se ga lamentà publicamente dela spussa de Londra, a l’epoca la cità più spussolente de tuta l’Europa: poi, sempre a Londra, in tel 1858 capita el famoso “Great Stink” (“La grande spuzza”) tanto che la regina Vitoria la farà far le fogne progetade da Joseph Bazalgette.
Prima dela rede fognaria a Londra (le fogne le iera xa presenti in tel’antichita a Creta, Atene e Roma, ma poi le xe stade trascurade), nei anni Trenta de l’Otocento la fogna i i la fa anche a Parigi e subito, su ordine del prefeto Claude-Philibert Barthelot de Rambuteau, in tel 1834 vien instaladi i primi “pissoir” parigini conossudi anche ogi come “Colonnes Rambuteau”.
Come mai sti gabineti publici i vien ciamadi “vespasiani”. Sto nome imperial el driva dal fato che l’imperator de Roma Vespasiano (69-79 d.C.) el gaveva messo una tassa sule latrine publiche, ciamade “forica”. Co suo fio Tito che ga brontolà per sta roba, Vespasiano el ghe ga mostrà i soldi de quele tasse disendoghe: “pecunia non olet”. Insoma, i soldi no ga odor, anche se i riva da l’urina.
I vespasiani presenti in Istria, a Pola, Albona e Arsia i xeprecisi de quei più difusi in tuta Italia, cioè quei dela dita de Torino “Renzi”, presentai come “nuovo chiosco-orinatoio smontabile, in pietra artificiale”. La pietra artificiale saria finto granito de cemento armato lustro.
El marchio "Renzi Torino" sul "chiosco-orinatoio" vicin del duomo de Pola - foto: Leonardo Forza
Quel de Albona e de Arsia lo gavemo trovado in tel catalogo Renzi, xe el model “Como”.
El model "Como" dela dita Renzi el xe sta insalado in Arsia
El vespasiano in Albona - foto: labin.com
Quei de Pola no li gavemo trovai in catalogo, ma i ghe somiglia sai al model “900”, sempre de Renzi (el marchio se lo vedi) che el iera el più difuso. Podessi esser una variante del “900”. Uno che el ghe somiglia sai a quei de Pola el sta ancora in pie a Roma, in Via Acqua Bullicante nel rion de Torpignattara. La diferenza la sta nele pur simili decorazioni a righe del bloco portante dela tetoia: quele de Pola xe incanalade, quele de Roma in rilievo.
El model Renzi '900 xe quel che'l ghe somiglia de più ai vespasiani de Pola
Una dele varianti del model 900 - questo el se trova in Francia
A Roma, in via Acqua Bullicante, se trova un vespasian sai simile a quei de Pola - foto: FB Laboratorio 104 tour e visite guidate a Roma
I vespasiani in Istria, in quanto a decorazioni, no i ga più niente cossa far con el periodo precedente (Liberty/ Art Nouveau/Secession/ Jugendstil), ma i ga xa le carateristiche del razionalismo italian, con volumi geometrici ciari e modulari, linee semplici, decorazion minima e un’estetica quasi Bauhaus, specie quei dei Pola instalai verso el 1930.
El vespasian de Pola vicin del duomo - foto: manuel Angelini e Silvio Forza
In Arsia, invesse, costruida ex novo tra el 1936 e ‘l 1937 su progeto de l’architeto triestin Gustavo Pulitzer Finali, el vespasiano xe un model “Como” che el ga ancora una decorazion che, pur restando razionalista e semplice, la ghe schissa un fià de ocio al vecio liberty, con la balaustra che la mostra una griglia de finestrele traforade con la croce de San’Andrea. Uno come quel de Arsia el se trova a Bordighera, un altro a Torino.
El vespasian Renzi model "Como"in Arsia - foto: Manuel Angelini
Per eser in linea con moda razionalista, come riportado in tel articolo "Il “servizio pubblico per le umane impellenze" publicado sul sito Historia Foxani, la dita Renzi la ghe mandava ai podestà letere con queste parole: "Ai signori Podestà ed alle Autorità interessate, che amano e apprezzano la nuova architettura, raccomandiamo questo tipo di chiosco per quartieri d’intonazione razionale e futurista…". Ma xe de dir anche che la Renzi la gaveva in catalogo anche orinatoi de stile liberty, tipo el famoso model “Salsomaggiore”.
El model Renzi "Salsomaggiore" in stile liberty
Sto articolo el comincia disendo che i “vespasiani” i fa parte del patrimonio storico. Ma xe da dir anche che questa consapevolezza la xe nata solo in tei ultimi anni, tanto che no i xe ancora considerai come beni monumentali da tutelar. In tela seconda metà del Novecento i vegniva demolidi, vandalizzai, smontai e sostituidi con altri più novi. Ogi la più grande concentrazion dei vespasiani de cento anni fa la xe a Torino (29 supertiti) e Roma (una quindicina): pochi xe quei restadi a Genova, Bologna, Firenze e Napoli, gnanche un a Milano. Ghe ne xe invesse, pochi, a Trieste e Udine.
E xe anche chi che ga fato i modelini dei vespasiani Renzi: questo in foro xe el modelin proprio tel tipo "Como" che 'l se trova in Arsia e in Albona.
El modelin del vespasian del tipo "Como", come quei de Arsia e Albona - foto: https://www.amiciscalan.com
Modei de "vespasiani" del catalogo Renzi
Nel 2023 el famoso regista Wim Wenders el ga girado el film “Perfect Days” dedicado ai gabineti de Tokyo, fassendoghe vinser a Kōji Yakusho el premio per el più barvo ator al festival de Cannes. I nostri vespasiani no i sara neti, profumai e tecnologici come quei Giaponesi, ne famosi come quel provocatorio de l'artista Duchamp, ma forsi i merita lo stesso una sorte che no sia quela de diventar tochi de ricambio.
Radi sigurnosti djece postavljena je i antitraumatska podloga. Uređen je i prilaz igralištu, kao i dio povšrine na kojem se u budućnosti planira postaviti sjenica za druženja, a sve u dogovoru s mještanima. Kako bi se igralište dodatno uklopilo u prirodni ambijent, pomno je osmišljeno i hortikulturno uređenje. Posađena su autohtona stabla i mediteransko grmlje, a posijana je i trava
“Bumbari su idealni za ovakve pokuse jer imaju duži životni ciklus i učinkoviti su u manjim kolonijama. Koristimo ih za kontrolirano oprašivanje kako bismo dobili sjeme točno određene populacije. Time osiguravamo da nema miješanja gena s drugim sortama i da očuvamo izvorna svojstva biljaka”, kaže Šmit
Prije početka akcije, predstavnici Saveza izviđača Hrvatske i Hrvatskih šuma svim prisutnima održat će kraće izlaganje o važnosti šuma i sadnje stabala te pokaznom vježbom prikazati ispravan način sadnje sadnica i postavljanja štitnika za sadnice
Da bi ova web-stranica mogla pravilno funkcionirati i da bismo unaprijedili vaše korisničko iskustvo, koristimo kolačiće. Više informacija potražite u našim uvjetima korištenja.
Nužni kolačići omogućuju osnovne funkcionalnosti. Bez ovih kolačića, web-stranica ne može pravilno funkcionirati, a isključiti ih možete mijenjanjem postavki u svome web-pregledniku.
