Nato cento anni fa, de mulo in bosco el fasseva disegni per la stampa partigiana, poi, da Zagabria, dove che 'l xe sta el primo Rovignese a laurerarse a l'Academia de Bele Arti, el ghe mandava disegni a "Il nostro giornale" e a"La Voce del Popolo". Nel 1952 el parti esule e a Roma el conquista la fama
Nato cento anni fa, de mulo in bosco el fasseva disegni per la stampa partigiana, poi, da Zagabria, dove che 'l xe sta el primo Rovignese a laurerarse a l'Academia de Bele Arti, el ghe mandava disegni a "Il nostro giornale" e a"La Voce del Popolo". Nel 1952 el parti esule e a Roma el conquista la fama
Cento anni fa, in tel 1926 xe nato Cesco Dessanti, un pitor, un artista e un omo sai importante anche per capir parte dela storia de l'Istria in tel Novecento.
Nato a Rovigno e morto a Roma in tel 2015, de mulo Dessanti xe sta uno dei quei giovani italiani de l'Istria che in tela guera partigiana – coi partigiani de Tito, quei de l'Alta Italia no i iera presenti in Istria – i gaveva visto un strumento de lota per liberarse dal nazifascismo. In „bosco“ tra la zona de Castua e 'l Gorski kotar el fasseva i disegni per el Canzoniere partigiano e per la stampa che la sezion „propaganda“ (agit-prop) sfornava per i combatenti. Tra i tanti disegni se vedi l'uficio dela sezion italiana de l'agit-prop regional de l'Istria e de Fiume a Zalesina (el ga fato un disegno anche de sto logo), el paese in tel Gorski kotar indò che tra el 10 e l'11 luglio xe stada fondada l'Unione Italiana dell’Istria e di Fiume (UIIF), ogi Unione Italiana.
“Aveva l'aria assente e, certamente, nostalgia di Rovigno, di mare, di stradette sinuose tra quinte di pietra. Lavorava di matita, sempre pronto ad eseguire i disegni che gli affidavamo noi anziani o tracciare le testate in capo alle pubblicazioni che uscivano dalla nostra Tecnica”, ga scrito de lui Eros Sequi, l’antifascista italian nato a Possagno (Treviso) che ‘l iera stado uno dei fondatori de l’UIIF e una una figura storica in tel panorama cultural de l’Istria e del Quarnero. El ga dado una man anche a fondar “La Battana”, la storica rivista leteraria de l’Edit de Fiume, po el xe andà a far el profesor a Belgrado.
In tei disegni de Dessanti se vedi el riposo del partigian, el cogo, la coga, el corrier (kurir), la sentinela. Chi che xe intersado, sti disegni li pol veder in tel’edizion „Cesco Dessanti - Disegni partigiani 1944-1945” che el Centro de ricerche storiche de Rovigno ga publicado nel 1979 e che ogi se pol scarigar gratis dal sito internet del centro.
La guera in Istria la finissi l’8 magio del 1945, co i ultimi Tedeschi i va via del forte Musil de Pola. Tuta la penisola la passà ala Jugoslavia esclusa Pola che la diventa un’exclave della Zona A dele province de Trieste e Gorizia soto l’aministrazion anglo americana. Per due anni, fino al 16 setembre 1947, giorno che anche Pola la passa definitivamente ala Jugoslavia, in tela cità dela Rena sarà grande lota e scontri tra quei che voleva el passagio ala Jugoslavia e quei che voleva che restassi l’Italia. Un fenomeno curioso, quasi senza precedenti, xe che a Pola se stampava due giornai, “L’Arena di Pola” e “Il nostro giornale”: tuti due in italian, tuti due antifascisti (nel senso che, anche se el fascismo el iera ormai morto, né uno né l’altro iera favorevoli ale politiche fasciste) ma el primo iera filo italian, el secondo filojugoslavo.
Cesco Dessanti all’epoca e iera ancora giovane e idealista, el credeva in una società più giusta e in tela fratelanza italo-slavo cussì, da Zagabria indò ch ‘l studiava, el ghe mandava i sui disegni al “Nostro Giornale” ma anche a “La Voce del Popolo” de Fiume che xa la iera el giornal in italian in Jugoslavia.
Cesco Dessanti xe sta el primo Rovignese a studiar (1945-49) e a laurearse a l’Academia de Bele Arti de Zagabria da dove che el fasseva vegnir a Rovigno i sui amici studenti, versendoghe in sto modo le porte a l’abitudine dei artisti de tuta la Jugoslavia de vegnir a Rovigno. Insomma, el ga fato sì che Rovigno la sia con Grisignana una dele due capitali de l’arte moderna in Istria.
Ma riva el 1952 e anche Cesco Dessanti, come decine de migliaia (anche più de centomila) de persone prima de lui, el se deludi in tel sistema, el lassa la sua Rovigno e ‘l va esule. Prima in tel campo profughi de Chiari in provincia de Brescia, poi a Roma per oltre mezo secolo, con qualche periodo vissudo anche a Trieste, Piacenza, Verona e Napoli.
A Roma el ga lavorado come disegnador artistico e tecnico per la Soprintendenza per i Beni Archeologici, Belle Arti e Paesaggio dela region Lazio, ma el xe anche diventado un grande artista, tanto che le sue opere le figura sia nel catalogo dei beni culturali dela Lombardia, sia in quel de tuta l’Italia.El ga avudo decine de mostre personali in giro per l'Italia.
Anche lui, come tuti i esuli, el ga sempre portà l’Istria in tel cuor. “Per lui Rovigno era una matrice, un punto di partenza e di ritorno costante” ga dito de lui sua fia Gabriella Dessanti Godena, presente a Rovigno in tel setembre de l'anno scorso co la Cità e la Comunità degli Italiani de Rovigno che ga dedicado a Cesco Dessanti due mostre, una al Museo Civico e una al Circolo.“ Insoma, la storia xe una grande pignada cariga de tanti ingredienti. Ogni tanto, de sto minestron, vien fora anche qualche cuciarada bona.
Budući da je postojala opasnost da će muškarac nastaviti s činjenjem prekršaja, policijski službenici su ga uhitili i priveli u policijsku postaju, a kod njega su pronašli i hladno oružje bodež
Policija je protiv 35-godišnjaka podnijela optužni prijedlog nadležnom sudu koji mu je izrekao novčanu kaznu od 4.410 eura
Pretragom doma i vozila osumnjičenika te provedenim kriminalističkim istraživanjem, utvrđeno je da je muškarac nabavio 41.15 grama marihuane i 49.9 grama kokaina, koje je podijelio i pakirao u manje količine namijenjene neovlaštenoj prodaji. Osim droge, policijski službenici pronašli su i opremu za pakiranje droge, dvije precizne digitalne vage i mobitel
Da bi ova web-stranica mogla pravilno funkcionirati i da bismo unaprijedili vaše korisničko iskustvo, koristimo kolačiće. Više informacija potražite u našim uvjetima korištenja.
Nužni kolačići omogućuju osnovne funkcionalnosti. Bez ovih kolačića, web-stranica ne može pravilno funkcionirati, a isključiti ih možete mijenjanjem postavki u svome web-pregledniku.
