I ghe ga dà una nova man de 'sfalto nero in via Sergia. Dopo le mutande a l'Arena, Pola combina ancora una capela
Me domando: el sindaco Peđa Grbin el ghe tien proprio cussì tanto a esser ricordà come quel dell' “errare è umano, perseverare è diabolico”, quel che ‘l ga fato meter el sfalto là indove che casomai el sfalto bisognava cavarlo? A Parenzo i meti a posto la riva usando le piere, come che Dio comanda. Parlemo de quela stessa Parenzo indò che se trova la Basilica Eufrasiana, tutelada da l’Unesco, in tela lista del Patrimonio storico e cultural de l’umanità indò che l'Arena de Pola no la finitrà mai fin che no i ghe cava le "mutande"
