Elessioni UI: poca concorensa, tanti segi già assegnadi, ma vota necesse est

Si, ale elessioni del l’Unione Italiana del 31 magio ghe sarà un fià de.concorensa par un posto in Assemblea, ma no sel proprio dir che uno ghe vendessi anche l’anima al diavolo per diventar consiglier UI. In tuto se ga presentà 107 candidati par 76 segi disponibili. In certe Comunità i candidati (piu’ che el numero de segi) i se darà bataglia (un be per la democrassia), ma in tante altre e altre, ben 32 el numero dei candidati el xe preciso con quel dei segi de assegnar. E tra queste xe Comunità grandi o storiche come quele de Rovigno, Piran, Sissan, Galesan, Verteneglio.

Xe de spiegar che l’Assemblea UI la xe formada da consiglieri eleti in tele le singole Comunità dei Italiani che i sarà ciamadi a rapresentar. Tuta la comunità italiana de Croazia e Slovenia la forma un’unica circoscrision eletoral solo nel caso de l’elezion direta del presidente de l’Assemblea de l’Unione Italiana e del presidente de la Giunta esecutiva de l’Unione Italiana.

Per ste do carighe se ga candidà, rispetivamente, Martin Corva (fin ‘desso presidente de la Giunta esecutiva UI) e Paolo Demarin, che nel mandato ancora in corso el xe stà presidente de l’Assemblea UI. El presidente de l’Unione, Maurizio Tremul, no ‘l se ga candidà per una dele do funsioni a elezion direta, ma el risulta invessee come candidato unico per l’unico segio disponibile in seno a l’Assemblea UI par la CI de Crevatini. E qua xe de dor che per regolamento interno, co i do presidenti eleti diretamente i xe tuti do cittadini del stesso Paese (nel caso de Corva e Demarin la Croazia), quel de l’Assemblea el vien obligatoriamente eleto da l’Assemblea stessa fra i consiglieri eleti che i xe cittadini sloveni. Uno dei soveni xe Tremul.

Xe de dir ancora una roba: in tuti i circoli se voterà solo per i consiglieri de l’Assembla dell’Unione, in certi se voterà anche per i consiglieri del stesso Circolo (come nel caso de Dignan), in altri per el consiglieri del circolo se ga xa votà sto anno (Buie, Rovigno), in altri se voterà presto (Sissan) e in altri ancora se voterà per el rinovo de l’Assembea del Circolo ‘pena sto altro annio (Pola).

Dito questo, parlemo solo delle elessioni per l’Unione. Fra le Comunità dei Italiani con el maggior numero de candidature rispeto ai posti disponibili in tel’Asseblea de l’UI spica Fiume, dove 14 candidati i concori per 6 segi. Situasion competitiva anche a Umago, con 7 candidati par 3 segi; a Piran i candidati xe 6 par 3 segi, a Capodistria e Dignan se registra 4 candidature par 2 segi ciascuna. A Pola, 7 candidati i se contendi 6 posti in Assembleia. In un per de candidati sarà “sfide direte” con due candidati per un solo segio disponibile. Xe el caso, fra le altre, de Ancaran, Cherso, Lussinpicolo, Momian, Orsera e Visinada, dove i candidati xe tre.

Sto altro sabato parleremo un fia’ de qualche candiadato. Giuntemo solo che Corva e Demarin, che i concori per el posto dei due presidenti eletti da tutti i ‘taliani de Croazia e Slovenia, anche se i xe candidati unici, i farà lo stesso incontri preletorai Probabilmente i animerà a gente de andar a votar perché in tele ultime elessioni iera anda a votar solo el 16% circa, a diferensa del quasi 90% che iera andà ale urne in tel 1991, ale prime elessioni democratiche delal nova Unione.

Eco le date:

Martedì, 19 de magio, ale sei de sera: in tela Comunità dei Italiani de Abbasia, incontro con i soci dele CI de Abbasia, Fiume, Laurana e Draga de Moschiena.

Mercoledì, 20 de magio, sempre ale 6 de sera:Comunità dei Italiani de Albona.

Giovedì, 21 de magio, sempre ale 6 de sera: la Comunità dei Italiani de Pisin.

Venerdì, 22 de magio, ale sei de sera, a Palazzo Manzioli a Isola, , incontro con i soci dele dele CI de Isola “Dante Alighieri”, Isola “P.B. Ughi”, Piran, Capodistria, Bertocchi, Ancaran e Crevatini.

Lunedì, 25 de magio, ale sei de sera; Comunità dei Italiani de Levade-Grisignana.

Martedì, 26 de magio, ale sete de sera: a Comunità dei Italiani de Rovigno incontro con i soci dele CI de Rovigno e de Valle.

Gioved, 28 de magio, ale 6 de sera, ala Comunità dei Italiani de Umago incontro con i soci de la CI de Umago, Matterada, San Lorenzo-Babici e Salvore.

Venerdì, 29 de magio ale sei de sera, aòa Comunità dei Italiani de Pola, incontro con i soci dele CI de Pola, Dignan, Galesan, Fasana e Sissano.