Vesela maškarana skupina na Velom Vrhu imenovala glavnog krivca ki če zgoriti u utorak

Vrajže slabo.

Peljeći se priko Velog Vrha, bi rekli kakovi Monte Grande, smo zapoštali da naš pust, orko, nan se para ipak njihov je dobija ime. Putinjo.

Ni ne ti put bilo teško, vero ni, ma bolje da ni, ma kad već je, onda će lipo zgoriti. Užgati ćemo ga kaj blago, nek pojde svragon.

Bila je subota popodne, četiri ure pasane, ma tamo smo pasivali z vituron i zajno vidili da je pust dobija ime. A vrag če ga znati ki se domislia, ma vero ni bilo teško, san reka već, ala šu smo se kapili.

Ma bilo je tamo još tih maškaranih z dicon ka su isto bila maškarana, inšoma svi su bili maškarani, a kako ko ne. Su bili svi kontenti. Dica su se igrala, tekla oko pusta, druga su bila na traktoru, a niš dica ko dica. A veliki, ko veliki spod tende z bukaleton i damižanom, kuntenti kako triba biti u maškarah. Ma ben šu da vam ne povidamo sve detalje jer ne rabi. Ki kapi kapi, ki ne če se navaditi.

Ta naša mala maškarana kunpanija se peljala cili dan po Monte Grandu z traktorom od hiže do hiže kako tradicija išće, a pokle su finili tamo od kud su i partili, poli pusta ki je dobija svoje ime i ki će lipo zgoriti u utorak navečer poli vajk svene oštarije ku nećemo pominjati, ma svi znaju ka je, jer je tamo već 100 lit.

Nemojte ča zamirit i kuraja.