El Bistro Randez-Vous el ghe ofri ai suoi ospiti una bela e bona mescoladura culinaria de tradizion e de cusina moderna in un ambiente che piasi, perfetamente integrà in tel centro storico de Pola. Li acogliemo con un servizio cordial e ingredienti freschi, che i tuti i nostri ospiti i apreza e per questo i torna sempre volentier i- Sonja Fable (Bistro Randez-Vous)
El riconoscimento ECO FRIENDLY PARTNER ‘sto anno el ghe vien consegnà a quei paroni dei ristoranti de Pola che, rispetando tuto quel che ghe vol far per manovrar con le scovasse a regola d’arte, i dimostra un livel sai alto de responsabilità sociale e i dà una grossa man per sbassar la quantità de scovasse urbane solide miste.
Per esser Eco Friendly Partner, che vol dire gaver un ocio de riguardo per l’ambiente, ghe vol smaltir regolarmente ste scovasse urbane solide miste e firmar un contrato con la dita municipalizada Pula Hercolanea per ingrumar in modo diferenzià carta, plastica e scovasse organiche. Poi ghe vol notar regolarmente in una documentassion aposita, quante scovasse che se ga smaltì ogni mese in modo diferenzià e pagar le bolete che la Pula Herculanea consegna ogni mese.
Nel 2024 el riconoscimento ECO FRIENDLY PARTNER lo ga otegnudo el ristorante Felix, le dite Jupiter Export d.o.o., Splendid Pula d.o.o. - Ristorante Markat e Baba Ruža d.o.o. (Hook&Cook)
