I fioi dela IV dele scuole de Isola, Piran e Capodistria in Slovenia e quei dele terze dele scuole elementari italiane in Croazia de Umago, Buie, Cittanova, Parenzo, Rovigno, Dignan, Pola e Fiume ieiri i xe vegnui a Pola: prima i ga visità i monumenti dela cità (anche i tunel de Zerostrasse – otimo nome per un campegio per nudisti, diria qualchedun), poi i xe andai in Circolo a cantar. Anche se la gran parte de sti fioi no xe Polesani, la maestra Edna Strenja in do’ e do’ quatro la ge ga insegnà le parole e come cantarle. E i fioi i xe come spugne, i ga imparà subito e sentirli xe una meraviglia
I fioi dela IV dele scuole de Isola, Piran e Capodistria in Slovenia e quei dele terze dele scuole elementari italiane in Croazia de Umago, Buie, Cittanova, Parenzo, Rovigno, Dignan, Pola e Fiume ieiri i xe vegnui a Pola: prima i ga visità i monumenti dela cità (anche i tunel de Zerostrasse – otimo nome per un campegio per nudisti, diria qualchedun), poi i xe andai in Circolo a cantar. Anche se la gran parte de sti fioi no xe Polesani, la maestra Edna Strenja in do’ e do’ quatro la ge ga insegnà le parole e come cantarle. E i fioi i xe come spugne, i ga imparà subito e sentirli xe una meraviglia
Per Pola, per anni anorum, se ga sentì cantar la canson “Co’ son lontan de ti o Pola mia”, con tanta enfasi, quasi che la fussi un ino. In realtà la canzon originale la xe dedicata a Triese e la porta el titolo “Co’ son lontan de ti Trieste mia” . La xe stada scrita in tel 1925 da Publio Carniel e Raimondo Cornet conossudo anche con el psuedonimo de Corrai. I Polesani no ga fato altro che cambiar i versi “E in alto quatro nuvole / E in basso un fià de mar” in “E in alto quatro nuvole / l’Arena un fià de mar” e i se la ga grampada.
Esisti invesse un’altra canson, altretanto famosa, che la porta el titolo “Vedendote mia Rena”, conossuda anche come “Son Polesan sicuro”. Questa la ga scrita Vascotto e musicada un certo Bucavez, la canta ancora qualche vecio Polesan co fa festa o per disperassion, quei dela “Lino Mariani” e la ga registrada anche Lidia Percan (in Polesan se legi PerSan) in tele sue “Canzoni de una volta”.
Volè saver chi che la cantada ieri in Circolo a Pola? Ben, la ga cantada 258 fioi dele scuole elementari italiane de l’Istria e del Quarnero, aluni dela IV dele scuole de Isola, Piran e Capodistria in Slovenia e quei dele terze dele scuole elementari italiane in Croazia: Umago, Buie, Cittanova, Parenzo, Rovigno, Dignan, Pola e Fiume.
El progeto “I colori dell’autunno” de l’Unione Italiana, con logistica organizada dala scola Giuseppina Martinuzzi de Pola, ieri li ga portai a Pola, indo’ che prima i ga visità i monumenti dela cità (anche i tunel de Zerostrasse – otimo nome per un campegio per nudisti, diria qualchedun) e poi i xe andai in Circolo a cantar. Anche se la gran parte de sti fioi no xe Polesani, la maestra Edna Strenja in do’ e do’ quatro la ge ga insegnà le parole e come cantarle. E i fioi i xe come spugne, i ga imparà subito e sentirli xe una meraviglia. Ecove qua el video dei fioi che i canta e soto le parole dela canson.
Son polesan sicuro….
Vedendote mia Rena
Commosso sento il core,
L’anima sento piena
De patrio santo ardore.
Pensando a la to storia
D’un tempo ‘ssai lontan
Mi calcolo sia gloria
Ciamarse Polesan.
Son Polesan sicuro
Son Polesan, cossa ghe xe de dir?
Son nato drio la Rena
E là voio morir.
Mia mare m’ha insegnado
Col sì e col no a parlar
Per essere rispettado
Bisogna rispetare.
Le ciacole, i ga dito,
Fritole no le fa,
Ognun el so partito,
Sarà quel che sarà.
Son Polesan sicuro
Son nato drio la Rena
E la voio morir.
Al fogo la manasa
Col mio lavor la boi
E quando vado a casa
In mezo dei miei fioi,
Me meto e là ghe insegno
De amar, de amar questa città,
Se i gà el zervel de legno
Capir i dovarà.
Son Polesan sicuro
Son Polesan, cossa ghe xe de dir?
Son nato drio la Rena
E la voio morir.
Predavanje Branke Sep Ševerdija održava se u sklopu projekta “Zlatne godine”, koji provodi Nastavni zavod za javno zdravstvo Istarske županiji u suradnji sa Čitaonicom Kluba umirovljenika Pula osmišljen je kako bi umirovljenicima ponudio sadržaje koji potiču aktivan, ispunjen i zdrav život.
Poziv je upućen učenicima / icama srednjih škola i studentima / icama iz Pule i okolice
Da bi ova web-stranica mogla pravilno funkcionirati i da bismo unaprijedili vaše korisničko iskustvo, koristimo kolačiće. Više informacija potražite u našim uvjetima korištenja.
Nužni kolačići omogućuju osnovne funkcionalnosti. Bez ovih kolačića, web-stranica ne može pravilno funkcionirati, a isključiti ih možete mijenjanjem postavki u svome web-pregledniku.
