Pojilice na Džubili stritu za Vazan u podne

I vega lita katoliki feštiđaju Vazan. Vega lita je dvajset i peta litnjica da smo rastrisali gnjoj za Vazan po Slimnjaku. Vega lita me pešta po glavini da se svi skupa napojimo. Šikutska štorija gre naprid. Malo po malo u deboto misec dan smo namontali jedan lipi broj pojilic na pilune zgor Slimljaka i zovemo vas da se i vi dojdete napojiti vako eli unako.Inšoma, kako je moj Frane učistija garažu ud svakakovih škovac ke litima se naberu, a ne rabe, jeno deset dan sa balija u to želizo i nikakor da ga popeljen u Bibiće kadi ga skupljaju. Ni mi drago da ga rastale i čine ništo drugo ud njega almeno još kakov dan, pak san ga prova vezati za palun ud Slimljaka i vidija da kumpare.Prvu reakciju san dobija ud Valtera komunskega ki je prasa ud smiha kad je to vidija. To je bija dobar znak, ja san ništo balega da ni javnih špin, da ni lokav, da ni već blaga u štalah, ma nis rabija. Z jenon tako malon stvari kako ča je pojilica za blago da moreš nasmijati čovika z Foli, ke voi piu della vita?Montati sve kako rabi su mi pomogli Vjeko i Savičenti, a prodakšn su Kampanjola i Šikuti Machine.Sprid oštarije Kampanjola, za Vazan u podne!Budite pravi, ku maj morete!