JOSIP DEL HOOK & COOK: Restemo sempre sule orme de nostra nona Baba Ruža

In tel lontan 1969, sul canton dele vece vie Ribarska e Prvomajska in centro a Pola, nostra nona Baba Ruža la ga inaugurà la nostra lunga tradizion famigliare dei ristoratori che noi mantegnimo con orgoglio. Sicome che ghe volemo sai ben al mal, el nostro menù el se fonda per la magior parte sule specialità de mar che tentemo de farle sempre più bone e a portada de man per tuti.

El riconoscimento ECO FRIENDLY PARTNER ‘sto anno el ghe vien consegnà a quei paroni dei ristoranti de Pola che, rispetando tuto quel che ghe vol far per manovrar con le scovasse a regola d’arte, i dimostra un livel sai alto de responsabilità sociale e i dà una grossa man per sbassar la quantità de scovasse urbane solide miste.

Per esser Eco Friendly Partner, che vol dire gaver un ocio de riguardo per l’ambiente, ghe vol smaltir regolarmente ste scovasse urbane solide miste e firmar un contrato con la dita municipalizada Pula Hercolanea per ingrumar in modo diferenzià carta, plastica e scovasse organiche. Poi ghe vol notar regolarmente in una documentassion aposita, quante scovasse che se ga smaltì ogni mese in modo diferenzià e pagar le bolete che la Pula Herculanea consegna ogni mese.

Nel 2024 el riconoscimento ECO FRIENDLY PARTNER lo ga otegnudo el ristorante Felix, le dite Jupiter Export d.o.o., Splendid Pula d.o.o. - Ristorante Markat e Baba Ruža d.o.o. (Hook&Cook)