Sta grota  la xe famosa sia per motivi religiosi, sia per motivi paleontologici. Quei religiosi, come che se capissi dal nome, i xe ligadi a San Romualdo, eremita fondatore dei monaci camaldolesi. Quei paleontologi i se palesa più de tuto in tele 44 piture murarie fate da l'Homo Sapiens 30 mila anni fa

No xe un trasmission tipicamente dialetal tipo “ciò Toni, ciò Bepi, capussi e luganighe, che bel che iera una volta” fata intorno a quatro banalità e batude de seconda man dite in dialeto. La xe invesse una trasmission sveia, sgaia, nova e vibrante e sensa spussa de naftalina, fata, da una parte, da musica per intenditori e da l’altra de cultura, cronaca imbastida de curiosità, pensieri, testimonianze e inteligente recupero dele tradissioni, tuto in istroveneto ma con l’eleganza che oltre a esser stile, la xe anche conoscenza de quel che se conta al microfono

Alora, domenica, per el voto generale, se becava quatro schede: una per el sindaco /sindaca, una per el consiglio municipal, uno per el “župan / županica" e una per l'assemblea regional istriana. Mi me domando, se al segio i ne gavessi consegnà a tuti i eletori solo le schede del sindaco e ‘l consiglio municipal, quanti de noi ghe gavessi domandà “deme anche le schede per la region”? come che ghe ga tocà far ai Italiani de l'Istria per poder esercitar el dopio voto? * Istra24 e La Voce del Popolo xe sta i unici due giornai in Croazia (Istria compresa) a dar la notizia che iera morto Nino Benvenuti: suacca ciast

Ogi xe in vigor el silensio eletoral, no se pol scriver de elezioni, ma se pol invitarve tuti de andar a votar domani sfrutando el diritto de poder sceglier el vicisindaco / vicesindaca e 'l vicepresidente / vicepresidentessa dela Region istriana in rapresentansa dela comunità italiana * Sicome in sta prima setimana de magio se ga celebrà i otanta ani dela fine dela Seconda guera mondial e se ga parlà sai de l’olocausto, me xe vegnù in mente che da noi in Istria se usa, specialmente per le done, un per de nomi ebrei. Vedemo chi che iera ste done bibliche...

Picia concession linguistica: "che vinca il migliore"

La squadra de balon de Pola la fa sui, giustamente, i colori del stema de Pola, che xe el verde e l'oro. E l’oro, el buta su l’ocra, no sul gialo del sol a mezogiorno. Queste due tonalità, messe insieme, le xe sai più eleganti del verde lustro e del gialo urlà dei colori de l’Istra, tropo sgargianti (in croato saria “kričavi”) per far un bel efeto

Anche sensa andar a remenarla longa torno ai fati che el pesse e i squeri i ga fato la fortuna de Rovigno, el sal quel de Piran e la marina e ‘l cantier quela de Pola,  fermemose a dir che al giorno de ogi el mar sta ala base del turismo istrian, e come che semo messi ogidì, el turismo, che ne piasi o no, el tien in pie più de mesa Istria. El fato che, in t'un dibatito preletoral, nisun dei quei che se candida per sentarse sul scagno più alto de l’Istria se ga ricordà de boto de nominar el mar la dixi longa

“Pasqua”, che deriva da l’ebraico “pesah” che vol dire “pasar oltre”, xe una parola che in tela stessa Bibbia, in tel Antico e in tel Novo testamento, la indica due robe diferenti: indiferente, Bona Pasqua a tuti

Pochi giorni fa l'Alta Comissaria UE per la gestion dele crisi, la Belga Hadja Labib, in un video che pareva “oggi le comiche” la ga presentà un kit de sopravvivenza per resister ale prime 72 ore  de un'ipotetica invasion russa: dentro xe forminanti e un corteleto svizzero. La vitoria xe asicurada, sta britola la se ciama ...Victorinox

Se da una parte xe vero che in tei ultimi anni la minoranza italiana in Istria la vien rispetada più de prima da l’altra parte i fati dei ultimi giorni i xe stai un paso indrio, una delusion * Trope volte el multiculturalismo funziona per decreto, quasi mai per sponetaneità, per un  moto interno che 'l ardi dentro de tuti noi e che el dovessi impizarse in automatico co pensemo al logo indò che stemo e volemo onorarlo

A volte capita de sentir una parola e de darghe un significato del tuto diferente de quel che la ga. I Americani e i Inglesi i xe maestri in far sta confusion: i  peperoni, oltre a becarse una p in più diventando “pepperoni”, in inglese i se trasforma salame picante, co i dixi confeti i te mostra i coriandoli. Indiferente, a ognidun de noi ghe pol capitar de capir mal e de darghe significati sbagliai ale parole

Se i Erizzo de Capodistria i iera solo una delle 240 famiglie dela nobilità veneziana, i Tradonico, invesse, i iera una dele 9 famiglie nobili venessiane più antiche. Co Venessia se ga inventà le 12 famiglie apostoliche e le 4 famiglie evangeliche per rinforsar el legame con la cesa e San Marco, in tele 12 apostoliche iera i Polani, che nel XII secolo i figurava tra le 25 famiglie più potenti de Venezia

Xe de farghe i auguri a tutte le done del mondo, a quele che lavora in qualche logo e a quele che le lavora a casa, ma sicome semo Istra24 permeteme de farghe i auguri a tute le done istriane e a quele che le sta o che le stava in Istria. E poi, sicome in questa nostra rubricheta scrivemo in istroveneto, un dialeto talian, voio farghe i auguri diretamente a tute quele done che per tanto tempo le se ga impegnado per mantegnir vive la lingua e la cultura italiana in Istria

In tel Istria de ogi, tuta girada verso el turismo e indò che tuti quei che i pol i fa de tuto per meter a posto camere e apartamenti de 'fitarghe ai turisti, xa da venti anni xe el momento dei manovai: muradori, pitori, piastrelisti, tubisti, eletricisti, „maestri“ de condissionatori de aria. Insoma, davanti ai oci gavemo el riscato dei operai che ogi no solo i guadagna sai ben, ma i xe rispetai e bisogna meterse in fila per farseli vegnir in casa a lavorar, tanta xe la richiesta. Ma 'ste 'tenti ai pressi: anche prima esisteva sti „majstori“ che i lavorava de foravia, ma no i iera superstar come questi de ogidì

La Fiat e la Lamborghini, Valentino, Versace, Mila Schön, la birra Peroni, i gelati Motta, la Parmalat, la Perugina e la Plasmon. E poi le boteghe Coin e La Rinascente, i mobili Merloni, i spacher, le stufe e i frigoriferi Zanussi, le gome Pirelli. Ma anche le squadre de calcio Milan, Inter e Roma. A questo lungo, triste elenco de marchi italiani finidi in mani straniere, xe quasi sicuro che presto vegnerà a trovarse anchela Bialetti, l’azienda che nel 1933 la ga inventado la Moka che per tanti de noi la xe diventada parte de un ritual da bongustai